COGAMI
Máis
de cen persoas do servizo de emprego de COGAMI traballan a través
dun programa que apoia Fundación Vodafone España
O
programa denominado `PARTICIPA coa dis-CAPACIDADE´, serve para que
as persoas potencien o uso das novas tecnoloxías durante a busca de
emprego.
Participan
150 persoas con discapacidade ou incapacidade laboral de toda
Galicia, a maioría delas procedentes de zonas rurais.
Un
total de 104 persoas con discapacidade conseguen inserirse
laboralmente tras participar no programa de inserción `PARTICIPA
coa dis-CAPACIDADE´,
un proxecto que apoia a Fundación Vodafone España e co que se
pretendeu potenciar o uso das TICS para a inserción sociolaboral;
válese das novas tecnoloxías para darlle un uso favorable ás
persoas que están buscando emprego.
Este
programa desenvolveuse durante o ano 2017 e finalizou en decembro
cuns resultados que superaron todas as expectativas marcadas pola
área de emprego de COGAMI con respecto ao número de insercións.
Dende a Confederación tiñan como obxectivo alcanzar un 49% de
ocupación laboral das 150 persoas participantes no programa. O
resultado final foi superado, xa que o 69% das persoas participantes
están traballando arestora: 22 en A Coruña, 11 en Ferrol, 9 en
Lugo, 12 en Ourense, 10 en Pontevedra, 18 en Santiago e 22 en Vigo.
Integrantes
do programa
Todas
as persoas seleccionadas para formar parte en `PARTICIPA
coa dis-CAPACIDADE´ compartían perfís
similares: todas tiñan discapacidade ou incapacidade laboral
recoñecida para o desenvolvemento da súa profesión habitual,
carecían dun contrato laboral durante os seis meses anteriores ao
programa e todas contaban con maiores dificultades de inserción por
vivir no rural, por ter formación básica e por ser muller (de aí
que a metade de participantes deste programa sexan mulleres). Segundo
o lugar de procedencia, 24 dos participantes procedían de A Coruña,
outras 24 de Santiago Compostela, 18 de Ferrol, 18 de Lugo, 19 de
Ourense, 22 de Pontevedra e 25 estaban en Vigo.
O
programa `PARTICIPA COA dis-CAPACIDADE´
Sete
orientadores laborais, situados nas oficinas que COGAMI ten abertas
nas principais cidades galegas, son os que se encargaron de valorar e
avaliar as capacidades de cada unha das persoas participantes no
programa e a súa motivación. Tralas entrevistas personalizadas,
trazaron un itinerario o máis axustado posible aos intereses e
posibilidades de cada unha das persoas.
`PARTICIPA
COA dis-CAPACIDADE´ ademais de asesoramento, tamén ofrece
información, formación e
capacitación en TICS baseado en soportes, equipamentos, tecnoloxías
e software adaptados, co propósito de facilitar a súa comprensión
e poder darlles uso para a busca de emprego e, finalmente, poder
acceder ao mercado laboral.
Dende
o servizo e intermediación laboral de COGAMI, tras analizar as
necesidades máis demandadas polas persoas participantes, impartiron
8 cursos sobre competencias informáticas nos que participaron 65
persoas e desenvolveron 7 obradoiros sobre redes sociais que contaron
coa asistencia de 70 persoas. Tamén se realizaron 15 círculos de
emprego para compartir experiencias e impartiuse formación sobre as
ferramentas ou apps que se poden descargar nun Smartphone e que
facilitan a busca de emprego.
Outra
das xestións realizadas polos orientadores laborais, foi a
posibilidade de realizar prácticas en empresas ás que asistiron 35
persoas e asesoraron na elaboración dun curriculum 2.0 ou
audiovisual dende a preparación do guión ata a presentación da súa
gravación.
Parte
importante dentro do programa é tamén a acción de visitar empresas
para realizar labores de sensibilización cara á discapacidade,
informar sobre bonificacións e incentivos que hai na contratación
dunha persoa con discapacidade e para xestionar ofertas de emprego.
Visitáronse 259 empresas novas, fíxose seguimento a 455 empresas
coas que xa se mantén o contacto. Tras realizar estas xestións co
empresariado galego, finalmente abríronse un total 620 ofertas de
emprego.
Comentarios
Publicar un comentario