ALUMN@S DO IES DE FOZ ESTÁN ESTES DÍAS EN ESTADOS UNIDOS PARTICIPANDO NUN INTERCAMBIO CUN CENTRO EDUCATIVO DE MINNESOTA.
TRINTA ALUMN@S DO IES DE FOZ ESTÁN ESTES DÍAS EN ESTADOS UNIDOS
PARTICIPANDO NUN INTERCAMBIO CUN CENTRO EDUCATIVO DE MINNESOTA.
Foz, 12 de setembro de 2018. Trinta alumnos e alumnas da ESO e
de primeiro de Bacharelato do Instituto de Educación Secundaria (IES) de Foz,
de 16 e 17 anos de idade, atópanse estes días en Estados Unidos participando
nun intercambio cun centro educativo de Minnesota, o Senior Highschool de Shakopee.
A estancia, que comezou este
pasado domingo, ten unha duración de 12 días e incluíu unha visita de tres
xornadas a New York.
A xefa do Departamento de Inglés
do IES de Foz, Begoña Suárez, explica que “os alumnos están alí durante 12
días, nos que teñen que convivir cunha familia americana como se foran un fillo
máis, acudindo a un mínimo de tres clases ao día das materias que eles prefiran
e ás actividades extraescolares ás que acuda o seu compañeiro ou compañeira
estadounidense. Está un alumno en cada casa e despois ese rapaz americano virá
ao domicilio do estudante do IES de Foz na segunda parte deste intercambio, que
se fará en xuño do 2019”.
Begoña Suárez engade que no
centro americano “os responsables son Mónica Sariego e Rachel Beran, profesoras
do departamento de español, aínda que se implican todos os docentes do
instituto, pois admiten aos nosos estudantes nas súas clases”.
Comentarios
Publicar un comentario